ساعات
سـاعـات
ساعات اكون محتار
غارق فى بحور افكار
فكرة تجيبنى و فكرة تودينى
ادور على طوق النجاة
ادور عليه فى كل مكان
....جوة نفسى
....جوة قلبى
نفسى القاه
و المحه من بعيد
اجرى عليه بلهفة و شوق
عينيا ثابتة على الطوق
خايف احركها
و المحه من بعيد
اجرى عليه بلهفة و شوق
عينيا ثابتة على الطوق
خايف احركها
خايف افوق
و كل ما اقرب .... بعده يزيد
ساعات احس انى فنان
خيالى ريشة و الوان
ارسم اللى انا حاسه
و احس اللى انا راسمه
ارسم بكرة فى خيالى
و ارويه بعزيمتى و امالى
اشوفه بيكبر قدام عينيه
اشوفه بيكبر كل يوم شويه
و يذبل قبل الاوان
ساعات احس انى طاير فى السما
العب مع النسمة و الهوا
اداعب فروع الشجر
اطلع المس وش القمر
و افضل اطلع لفوق
لدنيا مافيهاش فروق
و ابص على الناس من بعيد
اللى بيداوى جروحه بجروح اكبر
و اللى يتمنى لو يوم يصغر
و اللى عايش فى عيد
و فى لحظة ياخدنى شوقى
....و نرجع سوا
ساعات احس انى فنان
خيالى ريشة و الوان
ارسم اللى انا حاسه
و احس اللى انا راسمه
ارسم بكرة فى خيالى
و ارويه بعزيمتى و امالى
اشوفه بيكبر قدام عينيه
اشوفه بيكبر كل يوم شويه
و يذبل قبل الاوان
ساعات احس انى طاير فى السما
العب مع النسمة و الهوا
اداعب فروع الشجر
اطلع المس وش القمر
و افضل اطلع لفوق
لدنيا مافيهاش فروق
و ابص على الناس من بعيد
اللى بيداوى جروحه بجروح اكبر
و اللى يتمنى لو يوم يصغر
و اللى عايش فى عيد
و فى لحظة ياخدنى شوقى
....و نرجع سوا
posted by ensanbey7ess @ 10:59 PM
جميلة جداً
حقيقي إنسان بيحس
متشكر جدا على تعليقك ( اول تعليق فى مدونتى البسيطة ) ـ و اتمنى مايكونش الاخير
I like it .. I like it a lot
أنا جاية هنا محملة بما فيه الكفاية وقصيدتك الرائعة زادت من شحنتي فلا أجد من كلمات للتعليق سوى: "لعنة الله عليكم يا قاتلي النفوس والأحلام والحب والجمال وبقية الضحايا"!! ربنا يرحمنا منكم وينصرنا عليكم ...
القفلة كانت جميلة وموحية أوي يا إنسان بيحس بجد!!"وفي لحظة ياخدني شوقي ونرجع سوا" فيها لعب على الرجوع والشوق... يعني ترجع لايه؟ للي كنت فيه؟ طيب لو مشتاق ترجع، يبقى هترجع للي كنت بتفكر فيه فوق؟ طيب إزاي ترجع وإنت لسه مابعدتش؟ لأ.. حلوة
عمر على :ـ
سعيد ان القصيدة قد اعجبتك
انسانة :ـ
اسمحى لى ان اضم صوتى لصوتك و لكن مع زيادة كلمة واحدة فى جملتك لكى تكون
" لعنة الله عليكم يا قاتلي النفوس والأحلام والحب والجمال وبقية الضحايا"!! ربنا يرحمنا منكم وينصرنا عليكم بل و يهديكم ...."ـ
دعاء سمير:ـ
تصدقى انى عمرى ما فكرت فى كلمات قصيدة كتبتها بمعنى انى عمرى ما حطيت فى دماغى و انا بكتبها ان الناس ممكن تفكر فيها ازاى , كان دايما يكفينى انى حاسسها و عايشها و لما اقعد اكتب اسيب احساسى هو اللى ينقى الكلام و فى الاخر الاقى القصيدة طلعت لوحدها .....بس كلامك لفت نظرى لحاجات عمرى ما فكرت فيها
مبسوط جدا ان القصيدة عجبتك و باول تعليق لكى فى مدونتى