قلب انجرح
قلب انجرح
و يشق ظلام ليل السكات
صرخة حياة
صرخة نجاة
من قلب مات
قلب انكسر
لما افتكر
انه يوم يقدر ينسى
او يبقى حجر
قلب انكسر
لما افتكر
انه يوم يقدر يأسر
عصفور فوق الشجر
او يحرم نجوم من ضى قمر
قلب انكسر
لما افتكر
ان حبه بين البشر
قلب انكسر
و لما انكسر
ملاقاش اللى يداوى جراحه
او يمحى الاثر
قلب انتظر
ان يفوت الليل
او يعود له البصر
قلب حر
و لا يوم يتأسر
و لو اتأسر
عمره ما يوطى راسه
او ينكسر
ده يقوم من تانى
و يا اما يموت او .. ينتصر
posted by ensanbey7ess @ 11:16 PM
9 comments
