Saturday, June 18, 2005

السنة الجايه

الســـنــــــــــة الـجــايـــــــــة
ايام ورا ايام بتمر
و السنة بالسنة تجر
باحداث مؤسفة
و احداث تسر

باحداث
و احساس
و شعور جياش
لكن خلاص
مابقاش

مابقاش غير الاحزان
غير الالم , غير الدموع
و راح الامان , راح من زمان
من غير رجوع

نبكى ؟ .... و ايه بيفيد
و لا نضحك للهم الجديد
نضحك للسنة اللي جاية
نضحك لهمومنا المدارية

ندعي و نقول يارب
صَبرنا على الناس و الغلب

........ و صبرنا
بيقولوا الصبر جميل
و استحملنا البكا و العويل

استحملنا شهور و شهور
و كتمنا العذاب و الجور
و مرت السنة بهدوء
مرت من غير ما افوء

اتسحبت من غير صوت
........ ومش اول سنة
من عمري تفوت

مت كتابتها في 30\ 12 \ 2003

2 تعليقات:

At 6:56 PM, Blogger FROGGY said...

شكرا على التعليق. أنه حاجة جميلة أن أستقبل من حين الى آخر تعليق صغير. لكن من خبرتى فى البلوجات (مش كبيرة قوى) ناس اكتر بكتير بتقرأ ما يتم كتابته علشان كدة أنا متأكدة أن فى ناس تانية بتقرأ فى صمت. أنا فرأت ما نشرته و عجبنى و يمكن كمان فاهمة قوى اللى عايز تقوله علشان أنا كمان ساعات بأحس بدة. على فكرة أنا متهيألى لأن التعليق على الشعر أصعب بكتير علشان مش دايما الواحد بيقدر يفهم المكتوب لأنه بيبقى شعور خاص بالكاتب غالبا نتيجة تجربة ما

 
At 7:43 PM, Blogger Majd Batarseh said...

very true.. very honest.. very simple.. very nice

 

Post a Comment

<< Home

Free Counter
Free Counter