حاجة غريبة
" ياااااااه ....."
" معقولة ... مش ممكن "
" يابنى انت ازاى عايش كده "
" ده انت غريب قوى "
ديه كانت بعض التعليقات و غيرها الكثير من اللى بدأت اسمعها كتير اليومين دول من اصحابى و زمايلى كل ما نكلم فى اى موضوع و لازم نيجى فى نقطة معينه فيه و يقولوا نفس التعليقات ديه حتى و لو كانت المواضيع مالهاش اى علاقة ببعضها لغاية ما حسيت انى جاى من المريخ و من ضمن الحاجات ديه لما قلتلهم ان :
عمرى ماشفت افلام اللى بالى بالك , بوحة , عوكل .... و غيرها من الافلام الهادفة من وجه نظرى و ده لانها ماتستاهلش- من وجهه نظرى برضه- الوقت او الفلوس اللى بيدفعوا فيها
عمرى ما دخلت محل موبايلات عشان احط رنه
معرفتى بالمغنيين الشباب ( اللى طلعوا السنتين اللى فاتوا ) لا تتعدى 5 % و انى كتير بميل للاغانى القديمة
عمرى ما قعدت فى نت كافيه ( مع انى عندى 22 سنه )
عمرى ما اهتميت باكسسوارات الموبايلات و لا بانواعها , لان اهم شىء فى التليفون بالنسبة لى هو انى لما اقول الو , اسمع الطرف التانى بيقول الو .
معرفش اشترى تى شرت احمر او الاوان العجيبة اللى بتطلع
و عشان انا عنيد حبتين , لسه مقتنع ان الدنيا ماشية غلط و ان انا اللى صح , و يا اما هى تتغير او انا اتغير او يبقى الحال على ما هو عليه
posted by ensanbey7ess @ 11:35 PM
كلية واحدة و دفعة واحدة وكمان نفس التعليقات اللى بسمعها و ايه بقى لنفس الاسباب
بص، خدها منى حكمة (فلسفتى الخاصة واللى بطبقها بقى لى 21 سنة)
فكك منهم،،، المهم انك مقتنع باللى بتعمله
بلا وجع دماغ
same , same
but i used to net cafe since i was 16..
i like computers , some one told me that computers likes me too..
salam
lasto-adri:
انا مقتنع بفلسفتك الخاصة و لكن لما التعليقات تزيد شويه ساعات الواحد بيتشكك و بيعيد تفكير تانى
mohammed :
مبسوط ان لسه فيه ناس زى حالاتى موجودين على كوكب الارض
من الواضح انك مش لوحدك الى كدا
معظم الحاجات الى انت قلتهابتنطبق عليا علشان انا قبل كدا دخلت نت كافيه و كمان ماعنديش مشكله انى البس اي الوان و طبعا بسمع الكلام دا كتير بس كما قال السابقون فكك منهم و ربنا يكرم
mate2la2sh 3ala nafsak ana fi 7agat ketir mn eli 2oltaha zayak so eshta la2et 7ad ma3ak
كل اللي بينطبق عليهم الكلام ده يبقوا من نفس كوكبنا ... كوكب المريخ! :)
mohamed :
شكرا للمشاركة
jouly:
دايما الاقيكى متضامنه معايا , يارب دايماً
ensana :
مبسوط جدا من مشاركتك , و ان شاء الله ننشء وطن فى المريخ
والله كلامك مش غريب عليا كتير وبعدين انت طالما مقتنع بطريقه تفكيرك وعارف انك كمان مش بتعضب ربنا بالطريقه دي
خلاص نفض لاي كلام تاني ولا كأنه اتقال
وخليك علي عندك لانه عند في الخير
تحياتي لك
انا فضلى شهر واكمل 34 سنة ، وكل اللى بتقول عليه ده ينطبق عليا ماعدا النت كافيه اللى اعدت فيه اضطرارى
تفتكر اى من المريخ ، ما ظنش انا طول عمرى عايش فى عطارد ، هو كل اللى كده لازم يعيشوا فى المريخ؟؟؟؟
MOHAMED :
اولا : كل سنة و انت طيب مقدماً
ثانياً : اهل كوكب المريخ ترحب باهل كوكب عطارد
ثالثاً شكراً لمشاركة
طالما انك مقتنع باللي بتعمله وانه صح يبقى ملكش دخل بيهم .. على فكرة الناس مش بيعجبها حاجة لا كدا بيعجب ولا كدا فاعمل اللي انت راضي عنه ومقتنع بيه
وبالعكس دا يدل على نضجك وعقلك ماشاء الله... لان للأسف حاليا اغلب الشباب بقت تستهويهم الحاجات الهايفة وبس
i just read the article or what so ever u wanna call it we 7abeet a2olak enak mesh lewa7dak el 3ageeb ana kaman 70% 3ageeba we fi 3ogab we 3'orab zayena keda keteeer
Dear ensan bey7ess...
thanks a lot for the entry, it was comforting for me to know that there are a quite good number of Aliens on earth :))
actually all these points are 100% common with me, add to them reading and singing at the opera which makes me a pure Alien, but you know what? I'm happy to be an Alien if this will make me respect the person I see every morning in the mirror... I want to see a "true me" when I look at my face in the mirror ... not a face with 100 colors just to please those who are around me...
Don't worry dear, you're not alone, and I'm sure you'll always feel more comfortable while being "yourself" ... Alien?? ... no problem they r nice creatures!
your Alien Friend!
والله العظيم أنت دماغ أنا والله ممكن أكون زيك كده فى حاجات كتيرة
بص كبر دماغك على الأخر وعيش حياتك زى ما انت عايز وسيبك من الخلق دى كلها خليهم ورا ضهرك والله كده هيكون اريحلك كتير
سلالالالالالالالالام يا باشا
نهر الحياة
انت صح عارف الحكايه بتاعه البلد الي كان فيها بحر وكل اللي يشرب منه يبقي مجنون وفضلو احد عاقل واحد بس اشرب وابقي مجنون زيهم ولامااشربش وافضل عاقل وانت اخترت ايه؟ اللي انا وقبلي اختاروه فاهلاب ك في دنيا الغربه والعقل
فى حكمه جميله جدا تصلح فى حالتك بتقول
اذا اقتنعت باختياراتك وثقتك فيها سيحترمها الناس حتى لو كانت ليست معك فى الاختيارات
فما يهمكش حد ما دمت مصدق نفسك وافكارك